എന്താണ് നിങ്ങളുടെ സോഷ്യല്‍മീഡിയ സ്ട്രാറ്റജി?

ഈ ചോദ്യം നിങ്ങള്‍ നിങ്ങളോട് തന്നെ ചോദിച്ചിട്ടുണ്ടോ? ഞാന്‍ പല തവണ ചോദിച്ചിട്ടുണ്ട്? ഞാന്‍ ഏതെങ്കിലും ഒരു ഫോട്ടോ എടുക്കുന്നത് കണ്ടാല്‍..ഓ..അച്ഛന് ഫേസ് ബുക്കിലേക്ക് ഒരു ഐറ്റമായി..ഇതാണ് പാറുവിന്റെ പോലും ഫസ്റ്റ് ഡയലോഗ്… (ചിലപ്പോ നമ്മള്‍ വെറുതെ എടുത്തതാകും. എങ്കിലും ഈ ചോദ്യം പ്രതീക്ഷിക്കണം. .വൈഫിന് സോഷ്യല്‍ മീഡിയ ക്രേസൊന്നുമില്ല. പലപ്പോഴും ഞാന്‍ ടാഗ് ചെയ്തു കൊണ്ടു വരുന്നതാണ്.. തീര്‍ച്ചയായും ഇതിലൊരു പ്ലാനിങ് വേണമെന്ന് കുറെ കാലമായി ആഗ്രഹിക്കാറുണ്ട്.

കണക്ടഡായ ഒരു ലോകം.

ഭൂമിശാസ്ത്രപരമായ പരിമിതികളില്ലാത്ത ഒരു കൂടിച്ചേരലാണ് സോഷ്യല്‍ മീഡിയയിലൂടെ നടക്കുന്നത്.  തുല്യതയും ആശയസംവാദവും സാധ്യമാക്കുന്ന ഒരു റിയല്‍ ടൈം ടൂള്‍ എന്ന രീതിയില്‍ സോഷ്യല്‍ മീഡിയയെ വ്യക്തിപരമായി ഇഷ്ടപ്പെട്ടിരുന്നുവെന്നത് സത്യമാണ്. എന്നാല്‍ ഇന്നത് മൊത്തം കാര്യങ്ങളെ പ്രതികൂലമായി ബാധിക്കുന്ന തരത്തിലേക്ക് വളര്‍ന്നിരിക്കുന്നു.

പലപ്പോഴും നമ്മുടെ സമയം കളയുന്നതില്‍ ഇത് നിര്‍ണായക പങ്കു വഹിക്കുന്നുണ്ടുവെന്നത് മറ്റൊരു യാഥാര്‍ത്ഥ്യമാണ്. ചിലരെല്ലാം സോഷ്യല്‍ മീഡിയകളില്‍ നിന്ന് ബ്രെയ്ക്ക് എടുക്കുന്നത് കണ്ടിട്ടുണ്ട്. എന്നാല്‍ ഡിജിറ്റല്‍ മീഡിയ എഡിറ്റര്‍ എന്ന രീതിയില്‍ എനിക്ക് സോഷ്യല്‍ മീഡിയയില്‍ നിന്ന് പരിപൂര്‍ണമായും പിന്‍വാങ്ങാനാകില്ല. കാരണം അതെന്റെ ജോലിയാണ്. ഈ സാഹചര്യത്തില്‍ സോഷ്യല്‍ മീഡിയയെ എങ്ങനെ ഉപയോഗപ്പെടുത്തണം എന്നതിനെ കുറിച്ച് ഒരു ആക്ഷന്‍ പ്ലാന്‍ തയ്യാറാക്കാന്‍ ആലോചിക്കുകയായിരുന്നു. നടക്കുമോ എന്നത് വേറെ കാര്യം..

https://www.facebook.com/edakkadshinod
ഈ പ്രൊഫൈലില്‍ രാഷ്ട്രീയം പറയില്ലെന്നതാണ് ഒന്നാമത്തെ തീരുമാനം.  കുടുംബപരം ആയ പോസ്റ്റുകളെ വെട്ടിച്ചുരുക്കുകയെന്നതാണ് മറ്റൊരു തീരുമാനം. മൊത്തം പോസ്റ്റുകളുടെ എണ്ണവും ഇന്‍ട്രാക്ഷനും ഗണ്യമായി കുറയ്ക്കും. തീര്‍ത്തും വ്യക്തിപരമല്ലാത്ത വീഡിയോകള്‍ ചെയ്യും.

https://www.facebook.com/shinodedakkad/ ഇതാണ് സ്വന്തം പേരിലുള്ള പേജ്. ഇതില്‍ കൂടുതല്‍ ആക്ടീവാകും. ഇതിലും പേഴ്‌സണല്‍ കാര്യങ്ങള്‍ ഇടില്ല. പോസ്റ്റ് ചെയ്യാന്‍ വല്ലതും ഉണ്ടെങ്കില്‍ മാത്രം പോസ്റ്റ് ചെയ്യും. തയ്യാറാക്കുന്ന വീഡിയോകള്‍ ഇവിടെ അപ്പാക്കും. പ്രൊഫൈലില്‍ അപ്പാക്കില്ല.

കുറെ പേജുകളും ഗ്രൂപ്പുകളും ഉണ്ട്. അത് നഷ്ടപ്പെട്ടു പോകാതിരിക്കാന്‍ അതില്‍ വേണ്ട അപ് ഡേറ്റ്‌സ് തുടരും. തീര്‍ച്ചയായും അതിലൊന്നും പേഴ്‌സണല്‍ കാര്യങ്ങള്‍ കടന്നു വരുന്നില്ല. കൂടാതെ ഭൂരിഭാഗവും നിലനിന്നുപോകാന്‍ ആഴ്ചയില്‍ ഒന്നോ രണ്ടോ പോസ്റ്റുകള്‍ മതിയാകും.

https://www.linkedin.com/in/shinod/ പ്രൊഫഷണല്‍ നെറ്റ് വര്‍ക്ക് ആയതുകൊണ്ട് തന്നെ ഇതില്‍ യാതൊരു മാറ്റവും വരുത്തേണ്ട കാര്യമില്ല

https://twitter.com/eshinod ഭൂരിഭാഗം മലയാളികളെയും പോലെ ട്വിറ്ററില്‍ ആക്ടീവാകാന്‍ മടിയാണ്. എങ്കിലും ഇവിടെ ഇത്തിരി അധികം ആക്ടീവായാല്‍ കൊള്ളാമെന്നുണ്ട്.. പ്രതിദിനം ഒരു പോസ്‌റ്റെങ്കിലും. സ്വാഭാവികമായും ഇവിടെ പേഴ്‌സണല്‍ കാര്യങ്ങള്‍ കടന്നു വരുന്നില്ല. വീഡിയോ അപ്പാക്കും.

https://www.instagram.com/life_with_digital/ ഏകദേശം എട്ടു വര്‍ഷം മുമ്പ് എക്കൗണ്ട് ഉണ്ടാക്കിയിരുന്നെങ്കിലും ആക്ടീവായിരുന്നില്ല. മാസങ്ങള്‍ കൂടുമ്പോള്‍ വല്ല പോസ്റ്റിട്ടാലും ആയി. സമീപകാലത്താണ് ഇതിന്റെ പ്രവര്‍ത്തന രീതികള്‍ പഠിയ്ക്കാന്‍ ശ്രമിച്ചത്. ഇതില്‍ നിന്ന് പേഴ്‌സണല്‍ സംഗതി വേര്‍തിരിയ്ക്കുക ബുദ്ധിമുട്ടാണ്. കാരണം ഇതിന്റെ സ്വാഭാവം അങ്ങനെയാണ്. സജീവമായിരിക്കും. ദിവസം ഒരു പോസ്റ്റിടാന്‍ ശ്രമിക്കും. വീഡിയോകള്‍ അപ്പാക്കാന്‍ ശ്രമിക്കും.

https://www.youtube.com/c/shinodedakkad/ ഏറ്റവും കൂടുതല്‍ സമയം കളയുന്നത് ഇവിടെയാണ്. പല യുട്യൂബ് ചാനലുകളിലെയും വീഡിയോ കാണാനും അത് പഠിയ്ക്കാനും ശ്രമിക്കുന്നതാണ് ഇതിനു കാരണം. പിന്നെ തെലുങ്ക്, കന്നഡ ഹിന്ദി സിനിമകളോടുള്ള ക്രേസും. രാത്രി പത്തുമണിയ്ക്ക് ശേഷം ഒരു സിനിമ യുട്യൂബില്‍ കണ്ടിട്ടായിരിക്കും ഉറക്കം. യുട്യൂബില്‍ ഈ ചുമ്മാ കാണുന്ന പരിപാടി നിര്‍ത്തും. അതേ സമയം മാക്‌സിമം വീഡിയോ ഇതില്‍ അപ് ലോഡ് ചെയ്യാന്‍ ശ്രമിക്കും. പ്രത്യേകിച്ചും ഷോര്‍ട്‌സ്.

Whatsapp: വാട്സ് ആപ്പ് ഔദ്യോഗിക ആവശ്യങ്ങള്‍ക്ക് വന്‍തോതില്‍ ഉപയോഗിക്കുന്നതിനാല്‍ രക്ഷപ്പെടുക സാധ്യമല്ല. പക്ഷേ, ലൈവായി മറുപടി പറയണമെന്ന വാശി കളയും. നിശ്ചിത ഇടവേളകളില്‍ മാത്രം ചെക്ക് ചെയ്യും. മറ്റൊരു മെസ്സഞ്ചര്‍ സംവിധാനവും തത്കാലം ഉപയോഗിക്കാന്‍ പരിപാടിയില്ല.