ഇതാണ് എല്‍.ഇ.ഡി ലൈറ്റുകളുടെ പ്രധാന്യം വര്‍ധിപ്പിക്കുന്നത്. എല്‍.ഇ.ഡി എന്നു കേള്‍ക്കുമ്പോള്‍ കളിപ്പാട്ടങ്ങളിലും മറ്റുമുള്ള കൊച്ചു വെളിച്ചമോ.
..തെരുവോരങ്ങളില്‍ വില്‍ക്കുന്ന ചൈനീസ് എമര്‍ജന്‍സി ലൈറ്റുകളോ ആയിരിക്കും മനസ്സില്‍ വരിക. പക്ഷേ, യൂറോപ്പിലും അമേരിക്കയിലും അതിവേഗം പ്രചാരം നേടികൊണ്ടിരിക്കുന്ന ഗുണമേന്മയേറിയ എല്‍.ഇ.ഡികളെ കുറിച്ചാണ് പറയുന്നത്. മൂന്നു വാട്ടിന്റെ എല്‍.ഇ.ഡി ഉപയോഗിക്കുമ്പോള്‍ നമുക്ക് 11 വാട്ട് സി.എഫ്.എല്‍ വെളിച്ചം ലഭിക്കും. സി.എഫ്.എല്‍ എളുപ്പത്തില്‍ ഉപയോഗയൂന്യമാവുമ്പോള്‍ എല്‍.ഇ.ഡിയെ ആജിവനാന്തം എന്നു തന്നെ നമുക്ക് പറയാം. പരമാവധി പോവുന്നത് ബോര്‍ഡാണ്. അതു റിപ്ലേസ് ചെയ്യാന്‍ 40 രൂപയില്‍ താഴേ ചെലവേ വരൂ..സി.എഫ്.എല്ലിനേക്കാള്‍ വില അല്‍പ്പം കൂടുതലാണെങ്കിലും ആ വില തൊട്ടടുത്ത ഒമ്പതുമാസം കൊണ്ടു തന്നെ നമുക്ക് കറണ്ട് ചാര്‍ജ് ഇനത്തില്‍ ലാഭിക്കാനാവും. എല്‍.ഇ.ഡി മേഖല കൂടുതല്‍ വളര്‍ന്നു. ഇപ്പോള്‍ തെരുവുവിളക്കുകളും വാഹനങ്ങളുടെ ഹെഡ്‌ലൈറ്റും ഡൂം ലൈറ്റും ഡൗണ്‍ ലൈറ്റും ഫഌഷ് ലൈറ്റുമെല്ലാം എല്‍.ഇ.ഡിയിലെത്തി കഴിഞ്ഞു. എന്തിനേറെ പറയുന്നു. 25 മീറ്റര്‍ ഉയരത്തില്‍ നിന്നും പോലും ഏറ്റവും മികച്ച വെള്ളിവെളിച്ചം വാരിവിതറാന്‍ കഴിയുന്ന ഹൈ എന്‍ഡ് എല്‍.ഇ.ഡികളുടെ കാലമാണിത്.
ബിസിനസ് പ്രൊപ്പോസല്‍: കേരളത്തില്‍ ഒരു മികച്ച ബ്രാന്‍ഡ് ക്രിയേറ്റ് ചെയ്ത് രാജ്യത്താകെ വിതരണം ചെയ്യുന്നതിനെ കുറിച്ച് ചിന്തിക്കുന്നു. ഇപ്പോള്‍ ചെയ്യുന്നത് ഇന്ത്യയില്‍ അറിയപ്പെടുന്ന ഒരു ബ്രാന്‍ഡ് ഏറ്റെടുത്ത് കേരളത്തില്‍ വിതരണം ചെയ്യുകയാണ്. നല്ല റിസല്‍റ്റാണ് ലഭിക്കുന്നത്. താല്‍പ്പര്യമുള്ളവര്‍ വിളിയ്ക്കുക.
Category Archives: Technology
ഗൂഗിള്‍ ആഡ്‌സെന്‍സ് എക്കൗണ്ട് നഷ്ടപ്പെടാതിരിക്കാന്‍
ഗുഗിള്‍ ആഡ്‌സെന്‍സ് എക്കൗണ്ട് ലഭിക്കുന്നതിനേക്കാള്‍ ബുദ്ധിമുട്ടുള്ള കാര്യമാണ് അതു നിലനിര്‍ത്തുന്നത്. പലപ്പോഴും നിസ്സാരകാരണങ്ങള്‍ കൊണ്ടാണ് എക്കൗണ്ട് ബ്ലോക്ക് ചെയ്യപ്പെടുന്നത്. ചില കാരണങ്ങള്‍ താഴെ കൊടുക്കുന്നു.
1 സ്വന്തം ആഡ്‌സെന്‍സ് എക്കൗണ്ട് പരസ്യങ്ങളില്‍ ഒരു കാരണവശാലും ക്ലിക്ക് ചെയ്യരുത്. നിങ്ങളുടെ കൂട്ടുകാരോട് പരസ്യത്തില്‍ ക്ലിക്ക് ചെയ്യാന്‍ നിര്‍ദ്ദേശിക്കരുത്. ക്ലിക്ക് ചെയ്യുന്നതിന് ഓട്ടോമാറ്റിക് ടൂളുകള്‍ ഉപയോഗിക്കരുത്.
2 ഒരിക്കലും ആഡ്‌സെന്‍സ് കോഡുകളില്‍ മാറ്റം വരുത്തരുത്. നിങ്ങളുടെ സ്ഥലത്തിനും ഭംഗിക്കുമനുസരിച്ച് ആഡ്‌സെന്‍സ് കോഡുകളിലെ വലിപ്പം, കളര്‍ എന്നിവയില്‍ മാറ്റം വരുത്താന്‍ ശ്രമിക്കരുത്.
3 മൂന്ന് ആഡ് യൂനിറ്റുകളും മുന്നു ആഡ് ലിങ്കുകളോ രണ്ട് ആഡ്‌സെന്‍സ് സെര്‍ച്ച് ബോക്‌സുകളോ മാത്രം ഒരു പേജില്‍ ഉള്‍പ്പെടുത്തുക. ഇതില്‍ കൂടുതല്‍ പരസ്യം കൊടുത്താല്‍ അവ പേജില്‍ ദൃശ്യമാവില്ല.
4 ആഡ്‌സെന്‍സിനു സമാനമായ പരസ്യങ്ങളോ പരസ്യസേവനങ്ങളോ ഒരു പേജില്‍ ഒന്നിച്ചു ഉള്‍പ്പെടുത്താതിരിക്കുക.
5 നിങ്ങളുടെ എക്കൗണ്ടിനുള്ളിലുള്ള സി.ടി.ആര്‍, സി.പി.എം തുടങ്ങിയ വിവരങ്ങള്‍ പരസ്യമാക്കാതിരിക്കുക. ഓണ്‍ ലൈനില്‍ ഇവ പരസ്യപ്പെടുന്നത് ഒഴിവാക്കുക.
6 പരസ്യം കൊടുക്കുന്നതിനുള്ള ലേബലുകള്‍ക്ക് സ്‌പോണ്‍സേര്‍ഡ് ലിങ്ക്‌സ്, അഡ്‌വെര്‍ട്ടൈസ്‌മെന്റ് എന്നീ പേരുകള്‍ മാത്രം നല്‍കുക.
7 ആഡ്‌സെന്‍സ് പരസ്യങ്ങള്‍ തുറക്കുന്നതിനുവേണ്ടി ന്യൂ പേജ് ഓപ്ഷനുകള്‍ നല്‍കാതിരിക്കുക.
8 വിവിധ സൈറ്റുകളില്‍ പരസ്യം നല്‍കുന്നതിന് ഒരൊറ്റ ആഡ്‌സെന്‍സ് എക്കൗണ്ട് മതി. കഴിയുന്നതും ചാനലുകള്‍ ഉണ്ടാക്കി സൈറ്റുകള്‍ ഉള്‍പ്പെടുത്തിയാല്‍ ഏത് സൈറ്റില്‍ ഏത് പരസ്യം എത്ര വരുമാനം ലഭിച്ചുവെന്നീ കാര്യങ്ങള്‍ തിരിച്ചറിയാന്‍ സാധിക്കും.
9 പരസ്യം നല്‍കുന്നവര്‍ ഉള്ളടക്കം കൂടി പരിഗണിച്ചാണ് പരസ്യം കൊടുക്കുന്നത്. പ്രത്യേകിച്ച് മാറ്ററൊന്നുമില്ലാത്ത വെല്‍ക്കം പേജുകളില്‍ പരസ്യം കൊടുക്കരുത്.
10 പരസ്യ യൂനിറ്റിന് മറച്ചുകൊണ്ട് മാസ്‌കുകളോ അല്ലെങ്കില്‍ മറ്റേതെങ്കിലും രീതിയിലുള്ള തടസ്സമോ ഉണ്ടാവാന്‍ പാടില്ല.
11 താങ്കളുടെ പരസ്യം ഒരിക്കലും ഇമെയിലായി ആര്‍ക്കും അയച്ചുകൊടുക്കരുത്.
12 ഉള്ളടക്കമില്ലാത്ത പേജുകളെ പോലെ തന്നെ ചില ഉള്ളടക്കമുള്ള പേജുകളും ശ്രദ്ധിക്കേണ്ടതുണ്ട്. അശ്ലീലം, സ്പര്‍ധ, അക്രമം അല്ലെങ്കില്‍ മറ്റേതെങ്കിലും നിയമവിരുദ്ധമായ കാര്യങ്ങള്‍ എന്നിവ ഉള്‍പ്പെടുത്തിയ സൈറ്റുകളില്‍ പരസ്യം കൊടുക്കരുത്.
14 തുടര്‍ച്ചയായി പരസ്യകോഡുകള്‍ മാറ്റിനല്‍കുന്നതില്‍ അര്‍ഥമില്ല.
15 ആഡ്‌സെന്‍സ് താങ്കളുടെ ഭാഷ സപ്പോര്‍ട്ട് ചെയ്യുന്നുണ്ടോയെന്ന കാര്യം കൂടി പരിഗണിക്കേണ്ടതുണ്ട്. സപ്പോര്‍ട്ട് ചെയ്യാത്ത ഭാഷയാണ് ഉപയോഗിക്കുന്നതെങ്കില്‍ ആ പേജില്‍ കോഡ് ഉപയോഗിക്കാതിരിക്കുക.
നമ്പര്‍ പോര്‍ട്ടബിലിറ്റി ഇനിയും വൈകും
മുംബൈ: നമ്പര്‍ മാറാതെ മൊബൈല്‍ കമ്പനികള്‍ മാറാന്‍ ഉപഭോക്താക്കള്‍ക്ക് അവകാശം നല്‍കുന്ന മൊബൈല്‍ നമ്പര്‍ പോര്‍ട്ടബിലിറ്റി സേവനം ഇനിയും വൈകും. കഴിഞ്ഞ വര്‍ഷം ഡിസംബര്‍ 31 മുതല്‍ മൊബൈല്‍ നമ്പര്‍ പോര്‍ട്ടബിലിറ്റി അനുവദിക്കുമെന്ന് സര്‍ക്കാര്‍ വ്യക്തമാക്കിയിരുന്നെങ്കിലും പിന്നീട് അത് ഏപ്രില്‍ ഒന്നിലേക്കും അവിടെ ഒക്ടോബര്‍ 31ലേക്കും മാറ്റുകയായിരുന്നു. ഡിസംബര്‍ 20ആണ് പുതിയ തിയ്യതി.
ത്രി ജി സേവനം ഈ വര്‍ഷം തന്നെ ഉപഭോക്താക്കള്‍ക്ക് നല്‍കുന്നതിനുവേണ്ടിയുള്ള ജോലി ഇപ്പോള്‍ നടന്നുകൊണ്ടിരിക്കുന്നതിനാല്‍ കൂടുതല്‍ സമയം വേണമെന്ന് മൊബൈല്‍ കമ്പനികള്‍ ആവശ്യപ്പെടുകയായിരുന്നു.
എയര്‍ടെല്‍ 3ജി രണ്ടുമാസത്തിനുള്ളില്‍
ന്യൂഡല്‍ഹി: ഈ വര്‍ഷാവസാനത്തോടെ ത്രി ജി സേവനം വരിക്കാരിലെത്തിക്കുമെന്ന് രാജ്യത്തെ പ്രമുഖ മൊബൈല്‍ സേവനദാതാക്കളായ എയര്‍ടെല്‍ അറിയിച്ചു. രാജ്യത്തെ 22 ടെലികോം മേഖലയില്‍ 13 എണ്ണത്തില്‍ ത്രി ജി സേവനം നല്‍കാനുള്ള ലൈസന്‍സ് എയര്‍ടെല്‍ സ്വന്തമാക്കിയിട്ടുണ്ട്. അതേ സമയം വോഡഫോണ്‍ വരിക്കാര്‍ക്ക് ത്രിജിയാവണമെങ്കില്‍ അടുത്ത വര്‍ഷം വരെ കാത്തിരിക്കേണ്ടി വരും.
ക്രെഡിറ്റ്/ഡെബിറ്റ് കാര്‍ഡില്‍ വിപ്ലവവുമായി സിറ്റി ബാങ്ക്
അടുത്ത മാസം മുതല്‍ സിറ്റി ബാങ്ക് പുതിയ ക്രെഡിറ്റ്/ഡെബിറ്റ് കാര്‍ഡുകള്‍ വിപണിയിലിറക്കുന്നു. വിവിധ എക്കൗണ്ടുകളെ തീര്‍ത്തും സുരക്ഷിതമായി ഒരു കാര്‍ഡില്‍ ഉള്‍കൊള്ളിക്കാന്‍ കഴിയുമെന്നതാണ് ഈ ഡൈനാമിക് ക്രെഡിറ്റ് കാര്‍ഡുകളുടെ ഏറ്റവും വലിയ പ്രത്യേകത. എംബഡഡ് ബട്ടണും ഗ്രാഫിക് ഡിസ്‌പ്ലേയും ഉണ്ടെങ്കിലും ഇത് ഇപ്പോള്‍ പ്രചാരത്തിലുള്ള ഒരു സാധാരണകാര്‍ഡ് പോലെ തന്നെയാണ്.
കാര്‍ഡില്‍ രണ്ട് ബട്ടണുകളുണ്ട്. റിവാര്‍ഡ് പോയിന്റ്, ക്രെഡിറ്റ് എന്നിവ ഉപഭോക്താവിനു തന്നെ തീരുമാനിക്കാനാണിത്.
ഈ കാര്‍ഡുകളെ രണ്ടാം തലമുറയില്‍ പെട്ട കാര്‍ഡുകളെന്ന് നമുക്ക് വിളിക്കാം. ഒരു ചിപ്പും നാലുവര്‍ഷം വരെ ചാര്‍ജ് നില്‍ക്കുന്ന ബാറ്ററിയും കാര്‍ഡിലുണ്ട്.
സിറ്റി ബാങ്കിലെ ജീവനക്കാര്‍ കഴിഞ്ഞ മെയ് മാസം മുതല്‍ ഈ കാര്‍ഡ് ഉപയോഗിക്കാന്‍ തുടങ്ങിയിട്ടുണ്ട്. ഇപ്പോള്‍ തിരഞ്ഞെടുത്ത ചില ഉപഭോക്താക്കള്‍ക്കാണ് പുതിയ കാര്‍ഡ് നല്‍കുന്നത്. ഡിവിഡന്റ് പ്ലാറ്റിനം, പ്രീമിയര്‍ പാസ് എലൈറ്റ് കാര്‍ഡുകളാണ് തുടക്കത്തില്‍ വിതരണം ചെയ്യുന്നത്.
2g കാര്‍ഡുകള്‍ പ്രവര്‍ത്തിക്കുന്നതിന്റെ വീഡിയോ
ഡിസംബറോടെ കേരളത്തിലെത്തുന്ന എട്ടുകാറുകള്‍
ഇന്ത്യന്‍ ഓട്ടോമൊബൈല്‍ വിപണിയില്‍ കുതിച്ചുചാട്ടം തന്നെ നടക്കുകയാണ്. അടുത്ത രണ്ടു മാസത്തിനുള്ള ഇന്ത്യന്‍ റോഡിലെത്താനിടയുള്ള ചില കാറുകള്‍
മാരുതി സുസുക്കി കിസാഷി(maruthi suzuki kizashi)
വോള്‍വോ XC60
Hyundai Avante
Mitsubishi Lancer Evolution X
Nissan Sunny
Toyota Etios
Skoda Yeti
Maruti Cervo
source: cardekho.com
യൂലിപ് ഉല്‍പ്പന്നങ്ങള്‍ക്ക് വിലക്ക്
ഇന്‍ഷുറന്‍സ് കമ്പനികളുടെ യൂനിറ്റ് ലിങ്ക്ഡ് ഉല്‍പ്പന്നങ്ങള്‍ വില്‍ക്കുന്നത് അടുത്ത മാസം നാലാം തിയ്യതി വരെ ഐ.ആര്‍.ഡി.എ വിലക്കി. വില്‍പ്പനയ്ക്കായി കമ്പനികള്‍ സ്വീകരിക്കുന്ന നടപടികളെ കുറിച്ച് നിരവധി പരാതികള്‍ ലഭിച്ച പശ്ചാത്തലത്തിലാണ് ഈ നടപടി. മാക്‌സ് ന്യൂയോര്‍ക്ക് ലൈഫ്, അവിവ ലൈഫ്, ഭാരതി ലൈഫ്, റിലയന്‍സ് ലൈഫ് എന്നീ കമ്പനികള്‍ വില്‍ക്കുന്ന യൂനിവേഴ്‌സല്‍ ലൈഫ് പോളിസികളെ കുറിച്ചാണ് ഏറെ പരാതികളുള്ളത്. ജീവിതകാലം മൂഴുവന്‍ നീണ്ടു നില്‍ക്കുന്ന ഈ ഓഹരികള്‍ വളരെ ഉദാരമായ നിബന്ധനകളോടെ നല്‍കുന്നത് ഐ.ആര്‍.ഡി.എ സംശയത്തോടെയാണ് നിരീക്ഷിക്കുന്നത്. ഇന്‍ഷുറന്‍സ് കമ്പനികള്‍ക്കായി പുതിയ നിബന്ധനകള്‍ തയ്യാറാക്കുന്നതിനാണ് യൂലിപ് ഉല്‍പ്പന്നങ്ങള്‍ക്ക് വിലക്കേര്‍പ്പെടുത്തിയിട്ടുള്ളത്.
യൂലിപ്: സംരക്ഷണവും നിക്ഷേപവും ഒരുമിച്ചു സാധ്യമാവുന്ന പോളിസികളാണിത്. തുക ഷെയര്‍ വിപണികളില്‍ നിക്ഷേപിക്കുന്നതിനാല്‍ ലാഭം കൂടുതലായിരിക്കും. മൂന്നു വര്‍ഷം 10000 രൂപ വീതമോ അതില്‍ കൂടുതലോ നല്‍കി നിങ്ങളില്‍ പലരും ഇതില്‍ ചേര്‍ന്നിരിക്കും. ഇപ്പോള്‍ അഞ്ചുവര്‍ഷമാണ് ഇത്തരം പോളിസികളുടെ ലോക്കിങ്. ഈ കാലയളവ് കഴിഞ്ഞേ ഫണ്ട് പിന്‍വലിക്കാനാവൂ.. ഒരിക്കലും ഷെയര്‍ വിപണിയും യൂലിപ് ഇന്‍ഷുറന്‍സും ഒന്നായി പരിഗണിക്കരുത്.
എച്ച്.പി സ്ലേറ്റ് വിപണിയിലെത്തി
എന്താണ് എച്ച്. പി സ്ലേറ്റ്
1024×600 റസലൂഷന്‍ സ്‌ക്രീനോടുകൂടിയ ഒരു ടാബ്‌ലറ്റ് പിസിയാണിത്. വിന്‍ഡോസ് 7 അടിസ്ഥാനമാക്കി പ്രവര്‍ത്തിക്കുന്ന ഇതില്‍ 1.86ghz ഇന്റല്‍ atom z540 പ്രോസെസ്സറാണുള്ളത്. എച്ച്.ഡി വീഡിയോകളുടെ സ്മൂത്ത് പ്ലേ സാധ്യമാക്കുന്ന ക്രിസ്റ്റല്‍ എച്ച്.ഡി ആക്‌സലേറ്ററും 2 GB റാമും 64 GB എസ്.എസ്.ഡിയും ഈ സ്ലേറ്റിലുണ്ട്.
യു.എസ്.ബി പോര്‍ട്ടും രണ്ട് കാമറകളും ഉള്‍പ്പെടുന്നതാണ് ഈ സംവിധാനം. മുന്നിലുള്ള കാമറ VGAയും പിറകിലുള്ള കാമറ മൂന്നു പിക്‌സല്‍ ശേഷിയുമുളളതാണ്. വൈഫി കണക്ടിവിറ്റി സാധ്യമാണെങ്കിലും 3ജി സാങ്കേതിക വിദ്യയെ പിന്തുണയ്ക്കാത്തത് പോരായ്മയാണ്. വിപണിയിലുള്ളതില്‍ വച്ചേറ്റവും ശക്തമായ tablet ആണെങ്കിലും മുഖ്യ എതിരാളിയായ ഐപാഡിനു പേടിക്കേണ്ട കാര്യമില്ല. കാരണം ഇതൊന്ന് സ്വന്തമാക്കണമെങ്കില്‍ ചുരുങ്ങിയത് 35000 രൂപയെങ്കിലും വേണ്ടി വരും.
ടാബ്‌ലറ്റ്: മൊബൈല്‍ ഫോണില്‍ നിങ്ങള്‍ക്ക് ഇന്റര്‍നെറ്റ് ഉപയോഗിക്കാന്‍ സാധിക്കുമെങ്കിലും അതിനു ചില പരിമിതികളുണ്ട്. എന്നാല്‍ ലാപ്‌ടോപ്പ് എല്ലായിടത്തും കൊണ്ടു നടക്കുകയെന്നത് പ്രായോഗികവുമല്ല. ഇതിനു രണ്ടിനുമിടയിലുള്ള ഒരു ഉപകരമാണ് ടാബ്‌ലറ്റ്. കീ ബോര്‍ഡും മൗസുമില്ലാതെ മൊബൈല്‍ ടച്ച് സ്‌ക്രീന്‍ പോലെ വര്‍ക്കു ചെയ്യാം.