ജി സ്യൂട്ട് ലെഗസി ഫ്രീ എഡിഷന്‍ ജൂലായ് ഒന്നുമുതല്‍ ലഭ്യമാകില്ല. ഒന്നും മനസ്സിലായില്ല അല്ലേ. പറയാം. ജിമെയില്‍ ഇമെയില്‍ എക്കൗണ്ടുകള്‍ ഫ്രീയാണെന്ന് നിങ്ങള്‍ക്ക് എല്ലാം അറിയാം.
എന്നാല്‍ പണ്ട് ഗൂഗിള്‍ നമ്മുടെ ഡൊമെയ്ന്‍ പേരില്‍ തന്നെ ഇമെയിലുകള്‍ ഫ്രീയായി ഉണ്ടാക്കാന്‍ അനുവദിച്ചിരുന്നു. എന്നുവെച്ചാല്‍ shinod.in എന്റെ ബ്ലോഗാണ്. ഈ ഡൊമെയ്ന്‍ വെച്ച് ഗൂഗിളിന്റെ ഫ്രീ സേവനത്തില്‍ ഉണ്ടാക്കിയ ഇമെയില്‍ ഐഡിയാണ് mail@shinod.in. എന്റെ പ്രധാന ഇമെയില്‍ ഐഡികളില്‍ ഒന്നാണിത്. ലോഗിന്‍ ചെയ്യുന്നത് ജിമെയിലില്‍ mail@shinod.in എന്ന് യൂസര്‍ നെയിം അടിച്ച് പാസ് വേര്‍ഡ് അടിച്ച് ഓപ്പണാക്കുന്നു.
15 ജിബി സ്‌പേസുള്ള ജിമെയിലിന്റെ എല്ലാ സൗകര്യങ്ങളും mail@shinod.in ല്‍ ഉപയോഗിക്കാന്‍ സാധിക്കും. 2009ലാണ് ഈ ഡൊമെയ്ന്‍ ബുക്ക് ചെയ്തത്. ഏകദേശം 50 ഇമെയില്‍ ഈ ഡൊമെയ്ന്‍ വെച്ച് ഈ രീതിയില്‍ ഉണ്ടാക്കാമായിരുന്നു. 2005ല്‍ ബുക്ക് ചെയ്ത കടലുണ്ടി ഡോട്ട് കോമില്‍ ആയിരം ഇമെയില്‍ ഐഡി ഉണ്ടാക്കാനുള്ള സൗകര്യം ഉണ്ടായിരുന്നു. ഈ ഫ്രീ സേവനങ്ങളാണ് ഗൂഗിള്‍ അവസാനിപ്പിക്കാന്‍ പോകുന്നത്. സംഗതി ചില്ലറ ബുദ്ധിമുട്ടൊന്നുമല്ല ഉണ്ടാക്കാന്‍ പോകുന്നത്. ഈ വര്‍ഷം ജൂലായ് ഒന്നു മുതലാണ് ഈ സേവനം നിര്‍ത്തുന്നത്.
നിലവില്‍ ഈ സൗകര്യം ഉപയോഗിക്കുന്നവര്‍ ഗൂഗിളിന്റെ വര്‍ക്ക് സ്പേസ് (ജി സ്യൂട്ടിന്റെ പുതിയ പേരാണ് വര്‍ക്ക് സ്പേസ്) പ്ലാനിലേക്ക് മാറണം. മെയ് ഒന്നിനാണ് ഈ പ്ലാനിലേക്ക് മാറേണ്ടത്. ഇങ്ങനെ മാറുന്നവര്‍ക്ക് ജൂലായ് ഒന്നുവരെ സൗകര്യം ഉപയോഗപ്പെടുത്താം. മെയ് ഒന്നിന് നിങ്ങള്‍ ഒന്നും ചെയ്യേണ്ട കാര്യമില്ല. ഗൂഗിള്‍ ഓട്ടോമാറ്റിക്കായി അപ് ഗ്രേഡ് ചെയ്യും. ജൂലായ് ഒന്നിനുള്ളില്‍ പേയ്‌മെന്റ് ഡീറ്റെയില്‍സ് കൊടുത്തിട്ടില്ലെങ്കില്‍ സേവനം തടസ്സപ്പെടും.
ഇതേ ഐഡിയിലുള്ള ജിമെയില്‍ മാത്രമല്ല, കലണ്ടര്‍, മീറ്റ്, ഗൂഗിള്‍, ഡ്രൈവ് സേവനങ്ങളും തടസ്സപ്പെടും. ഇത് സംബന്ധിച്ച് ഗൂഗിള്‍ ഇമെയിലുകള്‍ ഇതിനകം തന്നെ അയയ്ക്കാന്‍ തുടങ്ങി കഴിഞ്ഞു. ഒരു കാര്യം ഉറപ്പാണ്..ഇത്രയും കാലം ഫ്രീ ഉപയോഗിച്ചവര്‍ വരും ദിവസങ്ങളില്‍ ഇത്തിരി വട്ടംകറങ്ങാന്‍ പോകുന്നുണ്ട്. അല്ലെങ്കില്‍ പണം കൊടുത്ത് സേവനം തുടര്‍ന്നും ഉപയോഗിക്കാന്‍ തീരുമാനിച്ചാലും മതി..
മലയാളിയുടെ മാത്രം പ്രത്യേകതയാണ്. ഒരു സാധനം ക്ലിക്കായാൽ അതുപോലെ പത്തെണ്ണം ഉണ്ടാക്കും. എന്നാൽ വേറിട്ടൊരു സാധനം അല്ലെങ്കിൽ വേറിട്ടൊരു ബിസിനസ്സിനായി ശ്രമിക്കില്ല.
ന്യൂസ് പോർട്ടൽ ബിസിനസ്സും ഇങ്ങനെയായിരുന്നു. ഡൊമെയ്നും ബുക്ക് ചെയ്ത് പലരും തട്ടിക്കൂട്ടി വെബ് സൈറ്റ് തുടങ്ങി.ഞാനും പത്രക്കാരനായെന്ന് ബഡായി വിട്ടു നടന്നു.. ഒടുവിൽ. പൂട്ടിക്കെട്ടി പോയി. ചിലർ ഇപ്പോഴും ശ്വാസം വിടാതെ, കടവും കടത്തിന്മേൽ കടവുമായി മുന്നോട്ട് കൊണ്ടു പോകുന്നു. എന്തിനോ വേണ്ടി തിളയ്ക്കുന്ന സാമ്പാർ..എന്നു പറയുന്ന പോലെയാണ് ഇവരുടെ പോർട്ടൽ പ്രവർത്തനം. അവിടന്നും ഇവിടന്നും ഓരോ പരസ്യം കിട്ടും അത്ര മാത്രം. അപ് ചെയ്യുന്നതും പരസ്യം പിടിയ്ക്കുന്നതും എഡിറ്ററും എല്ലാം അവർ തന്നെ..ശ്രദ്ധിക്കണം..ഇവരും ന്യൂസ് പോർട്ടലാണ്.(അതാണ് നാട്ടുനടപ്പ്).. എന്നാൽ ഇതിലൊന്നും പെടാത്ത ചിലരുണ്ട്.
1 പോളിസിയുടെയും പാഷന്റെയും ഭാഗമായി ഇതിലേക്ക് വന്നവർ, 2 കച്ചവട സാധ്യതകൾ പരമാവധി ചൂഷണം ചെയ്ത് അതിവേഗം യൂസേഴ്സിനെ നേടിയവർ.3 കോർപ്പറേറ്റ് പിന്തുണയുള്ളതോ മാധ്യമ സ്ഥാപനങ്ങളുടെ ഭാഗമോ ആയ പോർട്ടലുകൾ.. ഇവർ മാത്രമേ ഇവിടെ നിലനിൽക്കൂവെന്ന കാര്യം ന്യൂസ് പോർട്ടൽ തുടങ്ങാൻ ആഗ്രഹിക്കുന്ന ഓരോരുത്തരും മനസ്സിൽ വെയ്ക്കേണ്ടതാണ്.
വാണിജ്യപരമായി സക്സസ് ആകുന്ന രീതിയിൽ ഒരു ന്യൂസ് പോർട്ടലിനെ മുന്നോട്ടു കൊണ്ടു പോകാൻ ലക്ഷ കണക്കിന് രൂപയുടെ നിക്ഷേപം വേണ്ടി വരുമെന്ന് പറഞ്ഞാൽ ചിലർ ചിരിക്കും. 12-20 പേരെയെങ്കിലും ജോലിയ്ക്കു വെയ്ക്കാതെ ഒരു ന്യൂസ് പോർട്ടൽ തുടങ്ങുന്നത് ബുദ്ധിപരമല്ലെന്നു പറഞ്ഞാൽ ചിലരുടെ നെറ്റിചുളിയും. അല്ലെങ്കിലും നടത്തി കൊണ്ടു പോകാം. രണ്ടു വർഷം കൊണ്ട് എത്തേണ്ട സ്ഥലത്ത് എട്ടു വർഷം കഴിഞ്ഞാലും എത്തില്ലെന്ന് ചുരുക്കം.
ഗൂഗിൾ ആഡ്സെൻസിനെ പറ്റിച്ച് പൈസയുണ്ടാക്കിയ മലയാളിക്ക് അടുത്തതായി കിട്ടിയ ലോട്ടറിയായിരുന്നു യുട്യൂബ് റവന്യുവും ഫേസ്ബുക്ക് ഇൻസ്റ്റന്‍റും. തുടക്കം ഗംഭീരമായിരുന്നു. ഇൻസ്റ്റന്റ് പൈസ കിട്ടാൻ പലരും സൈറ്റുകൾ തട്ടിക്കൂട്ടാനും അവിടെ നിന്നും ഇവിടെ നിന്നും അടിച്ചു മാറ്റി പബ്ലിഷ് ചെയ്യാനും തുടങ്ങി. ഫേസ് ബുക്ക് ഇൻസ്റ്റന്റിനുള്ള ഗൈഡ് ലൈൻസ് കർശനമാക്കുകയും പണം വെട്ടിക്കുറയ്ക്കുകയും ചെയ്തതോടെ ആ കച്ചവടവും ഏതാണ്ട് തീർന്ന മട്ടായി.
ചിലര്‍ ചാടി യുട്യൂബിലും വീണു. ചേട്ടന്മാര്‍ പൈസയുണ്ടാക്കുന്ന വീരഗാഥകള്‍ കേട്ടായിരുന്നു തുടക്കം. സ്വന്തമായി ഒരു ശൈലിയും ഇല്ലാതെ മറ്റുള്ളവരെ അന്ധമായി തന്നെ അനുകരിയ്ക്കാന്‍ തുടങ്ങി. യുട്യൂബും ഫേസ് ബുക്കും വീഡിയോയ്ക്ക് പണം കൊടുക്കുന്നത് ഇപ്പോള്‍ കുറച്ചു. അവര്‍ക്കും പരസ്യം കുറവാണ്. ഇനിയെന്ത് ചെയ്യും?
വീഡിയോയുടെ കാലമാണ് വരാനിരിക്കുന്നത്. ഇഷ്ടം പോലെ യുട്യൂബ് ചാനലുകളാണ് തുറക്കുന്നത്. എനിക്ക് പറയാനുള്ളത് യുട്യൂബിലെയും ഫേസ് ബുക്കിലെയും ഗൂഗിളിലെയും റവന്യു കണ്ടിട്ട് നടത്താവുന്ന ബിസിനസ് അല്ല ഇതെന്നാണ്. ഒരു പരീക്ഷണം നടത്തി പോകാനാണെങ്കില്‍ ഒക്കെ.. എല്ലാം വിറ്റു പൊറുക്കി..ഇപ്പോള്‍ ഡിജിറ്റല്‍ മീഡിയയില്‍ ശാസ്ത്രീയമല്ലാതെ നിക്ഷേപിക്കുന്നത് ആത്മഹത്യാപരമാണ്. ഈ മേഖല പതുക്കെ പതുക്കെ കൈയൂക്കുള്ളവന്‍റെ (കൂടുതൽ പണമുള്ളവന്റെ) ബിസിനസ്സായി മാറി കൊണ്ടിരിക്കുകയാണ്. അതേ സമയം സ്വന്തം പോളിസിയിലും കഴിവിലും വിശ്വാസമുണ്ട്…ക്ഷമയുമുണ്ടെങ്കില്‍ ആര്‍ക്കു വേണമെങ്കിലും ഡിജിറ്റല്‍ മീഡിയയില്‍ ചുവടുറിപ്പിക്കാന്‍ സാധിക്കും. അതേ ചുവട് ഉറപ്പിക്കാൻ മാത്രം…ശ്രദ്ധിക്കപ്പെടാൻ മാത്രം പറ്റും. അവരും കമേഴ്സ്യലായി സക്സസ് ആകുമെന്ന് ഉറപ്പില്ല. ഇന്നത്തെ സാഹചര്യത്തിൽ മീഡിയ സ്ഥാപനങ്ങളുടെ ഭാഗമായവർക്ക് വളരാൻ എളുപ്പമാണ്. അതേ സമയം സ്വതന്ത്രബ്രാൻഡുകൾക്ക് നന്നായി കഷ്ടപ്പെടേണ്ടി വരുമെന്ന കാര്യം ഉറപ്പാണ്. പുതുതായി രൂപപ്പെട്ടുവരുന്ന യുട്യൂബ് വസന്തം കാണുന്പോള്‍.. തോന്നിയ ചില ചിന്തകള്‍…
വേർഡ്പ്രസ് ബ്ലോഗുകൾ രണ്ടു രീതിയിൽ ഉണ്ടാക്കാം. വേർഡ് പ്രസ് ഡോട്ട് കോം എന്ന സൈറ്റ് കാണാം. ഇത് ബ്ലോഗർ പോലെ തന്നെയാണ്. വേർഡ് പ്രസ് തന്നെ ഒരുക്കുന്ന ഹോസ്റ്റിങാണ്. ഇത്തരം സൈറ്റുകളുടെ വെബ് അഡ്രസ് kerala.wordpress.com എന്ന രീതിയിലായിരിക്കും. നിങ്ങൾക്കു വേണമെങ്കിൽ ഒരു ഡൊമെയ്ൻ വാങ്ങി ആ പേര് കൊടുക്കാനുള്ള സൗകര്യവും ഉണ്ടാകും.
എന്താണ് ബ്ലോഗർ, വേർഡ്പ്രസ് ഡോട്ട് കോം എന്നിവയുടെ പോരായ്മ?
ഇതിലെ ഡാറ്റ(നിങ്ങൾ അപ് ലോഡ് ചെയ്യുന്ന ഉള്ളടക്കം)യുടെ കൺട്രോൾ നമ്മുടെ കൈവശമായിരിക്കില്ല. അതിന്റെ യഥാർത്ഥ ഉടമകൾ ബ്ലോഗറും വേർഡ്പ്രസ്സും തന്നെയാണ്. കൂടാതെ അതിനെ നമുക്ക് മാനേജ് ചെയ്യുക അത്ര എളുപ്പമല്ല. ഏതെങ്കിലും ഒരു ദിവസം ഈ സേവനം നിർത്തുകയാണെന്ന് ഗൂഗിളോ വേർഡ്പ്രസ് കമ്പനിയോ പ്രഖ്യാപിച്ചാൽ വെള്ളം കുടിയ്ക്കുമെന്ന കാര്യത്തിൽ സംശയം വേണ്ട. ഡിസൈൻ മാറ്റുന്നതിനും പ്ലഗിനുകൾ ഉപയോഗിക്കുന്നതിനും ഏറെ പരിമിതിയുണ്ട്. നിങ്ങൾക്ക് പരിപൂർണമായും നിങ്ങളുടെ ഉടമസ്ഥതയിലുള്ള നിങ്ങളുടെ നിയന്ത്രണത്തിലുള്ള സൈറ്റാണ് ലക്ഷ്യമെങ്കിൽ ഫ്രീ സേവനം ഉപയോഗിക്കുന്നത് ബുദ്ധിയാകില്ല.
കോഡുകൾ അടിയ്ക്കാൻ വേണ്ടത്ര പരിചയം ഇല്ല, അതേ സമയം മുകളിൽ പറഞ്ഞ ബ്ലോഗുകളുടെ എല്ലാ സൗകര്യവും വേണമെന്നാണ് ആഗ്രഹമെങ്കിൽ നിങ്ങൾക്ക് വേർഡ് പ്രസ്, ദ്രുപാൽ, ജൂംല എന്നീ ഓപ്പൺ സിഎംഎസ് ഉപയോഗിച്ച് മനോഹരമായ സൈറ്റുകൾ ഉണ്ടാക്കാം. ഇതിൽ താരതമ്യേന എളുപ്പം വേർഡ്പ്രസ് കോഡുകൾ ഡൗൺ ലോഡ് ചെയ്യാൻ wordpress.org ലാണ് പോകേണ്ടത്. ഏത് ലെവലിലുള്ള സൈറ്റും നമുക്ക് വേർഡ്പ്രസ്സിലൂടെ ഉണ്ടാക്കിയെടുക്കാം. കേരളത്തിൽ ഇന്ന് കൂണുകൾ പോലെ മുളച്ചു പൊന്തുന്ന അധിക ന്യൂസ് പോർട്ടലുകളും വേർഡ്പ്രസ്സിലാണെന്നതാണ് സത്യം. അപ്പോൾ നമുക്ക് വേർഡ് പ്രസ് ഉപയോഗിച്ച് ഒരു സൈറ്റ് ഉണ്ടാക്കുന്നത് എങ്ങനെയെന്ന് നോക്കാം.
ചേരുവകൾ
1 ഡൊമെയ്ൻ
2 വേർഡ്പ്രസ് കോഡ്
3 ഹോസ്റ്റിങ്
വേർഡ് പ്രസ് ഉപയോഗിച്ച് ഒരു സൈറ്റ് ഉണ്ടാക്കുന്നതിന് ഒരു ഡൊമെയ്നും ഹോസ്റ്റിങും ആദ്യം സ്വന്തമാക്കണം. നിലവിൽ അധിക ഹോസ്റ്റിങ് ദാതാക്കളും വേർഡ് പ്രസ് ഒറ്റക്ലിക്കിൽ ഇൻസ്റ്റാൾ ചെയ്യാനുള്ള സൗകര്യം ഒരുക്കുന്നുണ്ട്. അങ്ങനെ ചെയ്യുമ്പോൾസംഗതി എളുപ്പമാണ്. മാനുവലായി ചെയ്യേണ്ടി വരുമ്പോൾ വേർഡ്പ്രസ് ഡോട്ട് ഓർഗ് എന്ന സൈറ്റിൽ നിന്നും സോഫ്റ്റ് വെയർ ഡൗൺ ലോഡ് ചെയ്യണം. അതിനു ശേഷം കൺട്രോൾ പാനലിലൂടെ ഈ റാർ ഫയലിനെ ബ്രൗസ് ചെയ്ത് സെർവറിനുള്ളിൽ എത്തിക്കണം. ഇതിനു മുമ്പ് ചെയ്യേണ്ട ഒരു ജോലിയുണ്ട്. സെർവറിൽ ഡാറ്റാ ബേസ് ക്രിയേറ്റ് ചെയ്യണം. യൂസർനെയിം ഉണ്ടാക്കി ഡാറ്റാ ബേസുമായി ഘടിപ്പിക്കണം. ഡാറ്റാ ബേസ് നെയിം, യൂസർ നെയിം, പാസ് വേർഡ് എന്നിവ ഒരു നോട്ട് പാഡിൽ സൂക്ഷിച്ചുവെയ്ക്കുന്നത് നല്ലതാണ്.
ഇനി നേരത്തെ അപ് ലോഡ് ചെയ്തുവെച്ചിരിക്കുന്ന വേർഡ് പ്രസ് റാർ ഫയലിനെ അവിടെ വെച്ച് തന്നെ എക്സ്ട്രാക്ട് ചെയ്യാം. ഇത്തരത്തിൽ എക്സ്ട്രാക്ട് ചെയ്യുന്നത് വേർഡ്പ്രസ് എന്ന ഫോൾഡറിനുള്ളിൽ തന്നെയായിരിക്കും. ആ ഫോൾഡർ തുറന്ന് എല്ലാ ഫയലും സെലക്ട് ചെയ്ത് അവയെ റൂട്ടിലേക്ക് മൂവ് ചെയ്യണം.(എവിടെയാണോ വേർഡ്പ്രസ് ഫോൾഡർ ഉള്ളത്). അതോടെ വേർഡ് പ്രസ് എന്ന ഫോൾഡറും നേരത്തെ അപ് ലോഡ് ചെയ്ത റാർ ഫയലും നമുക്ക് ഡിലിറ്റ് ചെയ്യാം. വേർഡ്പ്രസ് എന്ന ഫോൾഡറിലെ കാര്യങ്ങളെല്ലാം റൂട്ടിലേക്ക് മൂവ് ചെയ്തുവെന്ന് ഉറപ്പാക്കണേ..
നിങ്ങളുടെ ഡൊമെയ്ൻ നെയിം നേരത്തെ തന്നെ ഹോസ്റ്റിങിലേക്ക് പോയിന്റ് ചെയ്തിട്ടുണ്ടാവണം. ഇനി നിങ്ങളുടെ വെബ് അഡ്രസ് (ഡൊമെൻ നെയിം) അടിച്ച് തുറക്കാൻ നോക്കൂ. സ്ക്രീനിൽ ഡാറ്റാ ബേസ് നെയിം തുടങ്ങിയ ചില കള്ളികൾ പൂരിപ്പിക്കാൻ പറയും. നിങ്ങൾ നേരത്തെ നോട്ട് പാഡിൽ സൂക്ഷിച്ചുവെച്ച കാര്യങ്ങൾ അവിടെ കൊടുക്കുക. വേർഡ്പ്രസ് കൺട്രോൾ ചെയ്യാനായി യൂസർ നെയിമും പാസ് വേർഡും ഉണ്ടാക്കാനുള്ള ഓപ്ഷൻ കാണിയ്ക്കും. ഈ യൂസർ നെയിമും പാസ് വേർഡുമാണ് ഇനി നിങ്ങൾ സ്ഥിരമായി ഉപയോഗിക്കേണ്ടത്. നേരത്തെയുള്ള ഡാറ്റാ ബേസ് ഡീറ്റെയിൽസ് ഭദ്രമായി എവിടെയെങ്കിലും എടുത്തുവെച്ചാൽ മതി. ഓർമയിൽ വെയ്ക്കേണ്ട കാര്യമില്ല. നിങ്ങളുടെ സൈറ്റ് റെഡിയായി…
എന്താണ് വേർഡ് പ്രസ് ഉപയോഗിച്ച് ന്യൂസ് പോർട്ടലുണ്ടാക്കുമ്പോഴുള്ള ദോഷങ്ങൾ?
വേർഡ് പ്രസ് സ്വതവേ ലോഡുള്ള കോഡാണ്. നിങ്ങളുടെ ന്യൂസ് പോർട്ടൽ പോപ്പുലർ ആയി വരുന്നതിനനുസരിച്ച് നിങ്ങളുടെ ഹോസ്റ്റിങ് ചാർജ് കൂടി കൊണ്ടേയിരിക്കും. അവസാനം ആമസോൺ ക്ലൗഡ് പോലുള്ള പ്ലാറ്റ് ഫോമിലേക്ക് നീങ്ങേണ്ടി വരും. ഡാറ്റ വർധിക്കുന്തോറും വേർഡ്പ്രസ് ന്യൂസ് പോർട്ടലുകൾ പ്രശ്നങ്ങൾ കാണിയ്ക്കും. ഇതെല്ലാം ട്രാഫിക്കുള്ളവരുടെ കാര്യമാണ്.. പക്ഷേ, എല്ലാവരും തുടങ്ങുന്നത് ട്രാഫിക്കിനുവേണ്ടിയും വരുമാനത്തിനുവേണ്ടിയുമാണല്ലോ? സീരിയസ്സായി ന്യൂസ് പോർട്ടലോ അല്ലെങ്കിൽ ഏതെങ്കിലും രീതിയിലുള്ള വാണിജ്യ വെബ് സൈറ്രുകളോ തുടങ്ങാനാണ് പരിപാടിയെങ്കിൽ വേർഡ്പ്രസ് പോലുള്ള ഓപൺ സിഎംഎസ് പരിപാടിക്ക് പോകാതിരിക്കുന്നതാണ് നല്ലത്. അതല്ല, ചെറിയ തോതിൽ, അങ്ങനെ തട്ടിമുട്ടി പോയാൽ മതിയെങ്കിൽ വേർഡ്പ്രസും ദ്രുപാലും ജൂംലയും നല്ല ഓപ്ഷനാണ്.
ആദ്യം നമുക്ക് ബ്ലോഗ് എന്താണെന്ന് നോക്കാം. തീർച്ചയായും ഇന്റർനെറ്റ് ലോകത്ത് നിങ്ങൾ ഏറ്റവും കൂടുതൽ കേട്ട വാക്കുകളിൽ ഒന്നായിരിക്കും ബ്ലോഗ്. ഓൺലൈനിൽ തുടർച്ചയായി അപ് ഡേറ്റ് ചെയ്തുകൊണ്ടിരിക്കുന്ന പേഴ്സണൽ ജേർണലിനെയോ ഡയറിയെയോ നമുക്ക് എളുപ്പത്തിൽ ബ്ലോഗ് എന്നു വിളിയ്ക്കാം. നിങ്ങൾക്ക് ലോകത്തോട് കാര്യങ്ങൾ പറയാനുള്ള ഒരിടം. നിങ്ങളുടെ ചിന്തകളും വികാരങ്ങളും വിചാരങ്ങളും പങ്കുവെയ്ക്കാനുള്ള ഒരു സ്ഥലം. മറ്റൊരു ഭാഷയിൽ പറഞ്ഞാൽ നിങ്ങൾക്കായി നിങ്ങളാൽ അപ് ഡേറ്റ് ചെയ്യപ്പെടുന്ന ഒരു വെബ് സൈറ്റ്. വേൾഡ് വെബ് ലോഗ് എന്നതിന്റെ ചുരുക്കെഴുത്തായാണ് ബ്ലോഗ് എന്ന വാക്കു കടന്നു വരുന്നത്.
ഒരു കാലത്ത് ബ്ലോഗ് ഒരു ഫാഷനായിരുന്നു. സ്ഥിരമായി ബ്ലോഗിൽ അപ് ഡേറ്റ് ചെയ്യുന്നയാളെ ബ്ലോഗർ എന്നാണ് വിളിക്കുന്നത്. ഇന്ന് സോഷ്യൽമീഡിയയിൽ ആക്ടീവായ പലരും ഒരു കാലത്തെ പ്രശസ്തരായ ബ്ലോഗർമാരായിരുന്നു. വേർഡ് പ്രസ് ഡോട്ട് കോം, ബ്ലോഗർ, ടംബ്ലർ, മീഡിയം, സ്ക്വയർ സ്പേസ്, വിക്സ് അങ്ങനെ ബ്ലോഗുണ്ടാക്കാൻ ഒട്ടേറെ പ്ലാറ്റു ഫോമുകൾ ലഭ്യമാണ്. ഇതിൽ വേർഡ്പ്രസ് ഡോട്ട് കോമും ബ്ലോഗറുമാണ് ഏറെ പ്രശസ്തം. ഇന്നു കാലം മാറി, ബ്ലോഗ് എന്നതിന്റെ അർത്ഥത്തിലും വ്യത്യാസം വന്നു. ഇന്ന് പലരും ബ്ലോഗ് സൗകര്യങ്ങൾ ഉപയോഗിച്ച് വലിയ ന്യൂസ് പോർട്ടലുകൾ തന്നെ റൺ ചെയ്യുന്നുണ്ട്. അപ്പോൾ പറഞ്ഞു വരുന്നത് കൈയിൽ കാശില്ലെങ്കിൽ ബ്ലോഗ് സൗകര്യം ഉപയോഗിച്ച് എളുപ്പത്തിൽ ഒരു വെബ് സൈറ്റ് ഉണ്ടാക്കാൻ സാധിക്കുമെന്നു തന്നെയാണ്.
ബ്ലോഗുണ്ടാക്കാൻ വേണ്ടി ഗൂഗിൾ ഒരുക്കിയിട്ടുള്ള പ്ലാറ്റ് ഫോമാണ് ബ്ലോഗ്ഗർ(www.blogger.com). തീർത്തും സൗജന്യമാണ് ഈ സേവനം.
1 ആദ്യം ഇടതുവശത്തുള്ള ന്യൂ ബ്ലോഗ് ബട്ടൺ അമർത്തുക. തുടർന്ന് വരുന്ന വിൻഡോയിൽ. ടൈറ്റിൽ എന്ന കള്ളി കാണാം. അവിടെ നിങ്ങൾക്ക് ഇഷ്ടമുള്ള പേര് കൊടുക്കാം. അതിനു താഴെ അഡ്രസ് എന്ന കള്ളി. അവിടെ എന്ത് യുആർഎല്ലിലാണ് നിങ്ങളുടെ ബ്ലോഗ് അറിയപ്പെടേണ്ടത് ആ പേര് നൽകണം. ഉദാഹരണത്തിന് കോഴിക്കോടിനെ കുറിച്ചുള്ള ബ്ലോഗാണെങ്കിൽ kozhikode എന്ന് അവിടെ അടിച്ചു കൊടുത്താൽ മതി. എപ്പോഴും ചെറിയ, അർത്ഥമുള്ള, പരിചയമുള്ള പേര് നോക്കുന്നതാണ് നല്ലത്. പേര് ലഭ്യമാണെങ്കിൽ അത് താഴെ കാണിയ്ക്കും. ഉദാഹരണത്തിന് kozhikode എന്ന പേര് ലഭ്യമാണെങ്കിൽ നിങ്ങളുടെ ബ്ലോഗിന്റെ അഡ്രസ് kozhikode.blogspot.in എന്നായിരിക്കും. തൊട്ടു താഴെ ഇഷ്ടമുള്ള തീം(നിങ്ങളുടെ ബ്ലോഗിന്റെ കാഴ്ച) സെലക്ട് ചെയ്യാനുള്ള ഓപ്ഷൻ കാണും. ക്രിയേറ്റ് ബ്ലോഗ് എന്ന ബട്ടണിൽ ക്ലിക്ക് ചെയ്യുക. ബ്ലോഗ് റെഡിയായി.
2 ബ്ലോഗിൽ പോസ്റ്റ് ചെയ്യാൻ new post എന്ന ബട്ടൺ കാണാം. അതിൽ ക്ലിക് ചെയ്ത് പോസ്റ്റ് ടൈറ്റിൽ എന്നിടത്ത് ഹെഡ്ഡിങും അതിനു താഴെയുള്ള വലിയ ഏരിയയിൽ കണ്ടന്റും പേസ്റ്റ് ചെയ്യുക. ഇതിലേക്ക് ആവശ്യമായ ചിത്രങ്ങളും വീഡിയോകളും ഇൻസെർട്ട് ചെയ്യാനുള്ള സൗകര്യം കണ്ടന്റ് ഏരിയക്ക് തൊട്ടുമുകളിലായി കാണാം. വലതു വശത്ത്, ലേബൽ, പെർമാലിങ്ക് തുടങ്ങിയ ബട്ടനുകൾ കാണാം.. ഇവിടെ കുറിച്ച് പിന്നീട് പറയാം. അങ്ങനെ ആദ്യത്തെ പോസ്റ്റും റെഡിയായി.
3 ഇനി നിങ്ങൾക്ക് തോന്നുകയാണ് ബ്ലോഗിന്റെ പേരിൽ നിന്നും blogspot എന്ന വാല് ഒഴിവാക്കണം. ഒരു ഡൊമെയ്ൻ വാങ്ങി ആ പേര് ബ്ലോഗിന് കൊടുക്കണമെന്ന് ആഗ്രഹമുണ്ടെങ്കിൽ അതും ആകാം. സെറ്റിങ്സിൽ പോയി basic എന്ന ബട്ടൺ ക്ലിക്ക് ചെയ്യുക. എന്നിട്ട് അവിടെ തേർഡ് പാർട്ടി യുആർഎൽ ആഡ് ചെയ്യാനുള്ള ഓപ്ഷൻ കാണാം. അതിൽ ക്ലിക്ക് ചെയ്യുക. അവിടെ http എന്ന കള്ളിയിൽ www.നിങ്ങൾ വാങ്ങിയ ഡൊമെയ്നിന്റെ പേര് കൊടുക്കുക. (ഇതിനു മുമ്പ് ചെയ്യേണ്ട ഒരു കാര്യമുണ്ട്)
4 ഡൊമെയ്ൻ ആഡ് ചെയ്യുന്നതിന് മുമ്പ് അതിന്റെ നെയിം സെർവർ വാല്യൂസിനെ ഡിഫാൾട്ടിലേക്ക് മാറ്റണം. ബ്ലോഗിന്റെ മേൽപ്പറഞ്ഞ സെറ്റിങ്സിൽ ഡൊമെയ്ൻ ആഡ് ചെയ്ത് സേവ് ചെയ്യുന്നതോടെ രണ്ടു വാല്യൂസ് പോയിന്റ് ചെയ്യാൻ പറഞ്ഞ് റെഡ്ഡിൽ കാണിയ്ക്കും. ഡൊമെയ്നിന്റെ കൺട്രോൾ പാനൽ തുറന്ന് ഈ സി പാനൽ വാല്യൂസ് നൽകണം.
5 ഓരോ ഡൊമെയ്ൻ പ്രൊവൈഡറും ഡിഎൻഎസ് ചെയ്ഞ്ച് ചെയ്യുന്നതിന് ഓരോ രീതികളാണ് ഒരുക്കിയിട്ടുണ്ടാവുക. ഡിഎൻഎസിൽ മാറ്റം വരുത്തുന്നതോടെ നിങ്ങളുടെ ജോലി പൂർത്തിയായി. ഈ ഡിഎൻഎസ് മാറ്റം എല്ലായിടത്തും റിഫ്ളക്ട് ആയി വരുന്ന മുറയ്ക്ക് നിങ്ങൾക്ക് ഇഷ്ടമുള്ള പേരിലുള്ള ബ്ലോഗ് ഉപയോഗിച്ച് തുടങ്ങാം. ടെംപ്ലേറ്റുകൾ മാറ്റാനുള്ള സൗകര്യവും ഉണ്ട്. ഡൊമെയ്നിന്റെ പണം മാത്രം ചെലവാക്കി..നിങ്ങൾക്ക് ചെറിയ സൈറ്റുകളും ഈ രീതിയിൽ ഉണ്ടാക്കാം.. ചുരുക്കി പറഞ്ഞാൽ 200 രൂപയ്ക്ക് വരെ സ്വന്തം ഡൊമെയ്നിൽ വെബ് സൈറ്റ് ഉണ്ടാക്കാമെന്ന്..
ലോകത്തിലെ ഏറ്റവും വലിയ സോഷ്യല്‍ നെറ്റ് വര്‍ക്കിങ് സൈറ്റായ ഫേസ്ബുക്കിനെ അടിസ്ഥാനമാക്കിയുള്ള കമന്റ് ബോക്‌സ് വേണമെന്ന് ഒട്ടുമിക്ക വാര്‍ത്താ പോര്‍ട്ടലുകളും ആഗ്രഹിക്കാറുണ്ട്. ടെക് ക്രഞ്ച് പോലുള്ള വന്‍കിട സൈറ്റുകളില്‍ ഇത്തരത്തില്‍ ഫേസ്ബുക്കിനെ ഉപയോഗപ്പെടുത്തുകയും ചെയ്യുന്നു. എന്തൊക്കെയാണ് ഇതിന്റെ ഗുണവും ദോഷവും. മെച്ചങ്ങള്‍
ഫേസ്ബുക്ക് നെറ്റ് വര്‍ക്കില്‍ ഇത് സൈറ്റിന്റെ റീച്ച് വര്‍ദ്ധിപ്പിക്കും. കമന്റ് അടിയ്ക്കുന്നതോടു കൂടി ആളുകള്‍ ഇത് ഷെയര്‍ ചെയ്യുകയും ചെയ്യുമെന്നതിനാല്‍ കൂടുതല്‍ പേജ് വ്യൂ ലഭിക്കാനുള്ള സാധ്യത കൂടുതലാണ്.
കമന്റുകള്‍ ആധികാരികമാകുമെന്നൊരു മെച്ചമുണ്ട്. ഏത് കമന്റിനും ഒരു ഫേസ്ബുക്ക് പ്രൊഫൈല്‍ ഉത്തരവാദിയായിരിക്കും. അതുകൊണ്ട് സ്പാം കമന്റുകളും തെറിവിളിയും ഇത്തിരി കുറയും.
ദോഷങ്ങള്‍
കമന്റടിയ്ക്കുന്നതിന്റെ എണ്ണം കുറഞ്ഞു വരും. കാരണം കമന്റ് ചെയ്യുന്നവരില്‍ ഭൂരിഭാഗം പേരും സ്വന്തം ഐഡന്റിറ്റി മറച്ചു വെയ്ക്കാന്‍ ആഗ്രഹിക്കുന്നവരായിരിക്കും.
ഏതൊരു സൈറ്റിന്റെയും അസെറ്റാണ് കമന്റുകള്‍. ഫേസ്ബുക്ക് കമന്റ് ആക്കുന്നതോടെ ഇക്കാര്യത്തില്‍ ഒരു കണ്‍ട്രോളും ഇല്ലാതാകും. ഫേസ്ബുക്കിലും അനോണികള്‍ ഒട്ടേറെയുണ്ട്. വിവാദ വാര്‍ത്തകള്‍ക്കു താഴെയിടുന്ന ചില ഫേസ്ബുക്ക് കമന്റുകള്‍ നിങ്ങളെയും അനാവശ്യമായി കേസിലേക്ക് വലിച്ചിഴയ്ക്കാം.
തത്കാല ലാഭമാണ് (കൂടുതല്‍ റീച്ച്) ലക്ഷ്യമെങ്കിലും നല്ലതുപോലെ മോഡറേറ്റ് ചെയ്യാമെന്ന വിശ്വാസമുണ്ടെങ്കിലും ഫേസ്ബുക്ക് കമന്റുകള്‍ നല്ല ഓപ്ഷനാണ്. പക്ഷേ, ദീര്‍ഘവീക്ഷണത്തോടെ പ്രവര്‍ത്തിക്കുന്നവര്‍ ഇതില്‍ നിന്നും മാറി നില്‍ക്കുന്നതാണ് നല്ലത്.
ലോകത്ത് ഏറ്റവും കൂടുതല്‍ ആളുകള്‍ ഉപയോഗിക്കുന്ന കണ്ടന്റ് മാനേജ്‌മെന്റ് സിസ്റ്റത്തില്‍ (സിഎംഎസ്) ഒന്നാണ് വേര്‍ഡ് പ്രസ്. പിഎച്ച്പിയില്‍ എഴുതപ്പെട്ട ഒരു ഓപ്പണ്‍ സോഴ്‌സ് സംവിധാനമാണിത്. തുടക്കത്തില്‍ ബ്ലോഗ് ഉണ്ടാക്കാനുള്ള ടൂള്‍ എന്ന നിലയില്‍ പ്രചാരം നേടിയ വേര്‍ഡ് പ്രസ് ഇന്ന് ലോകത്തെ ഏറ്റവും ശക്തമായ സിഎംഎസ് സംവിധാനമായി മാറി കഴിഞ്ഞു. വന്‍കിട ന്യൂസ് പോര്‍ട്ടലുകള്‍ ഉണ്ടാക്കാന്‍ പോലും ഇപ്പോള്‍ വേര്‍ഡ് പ്രസ് ഉപയോഗിക്കുന്നുണ്ട്. ചുരുക്കത്തില്‍ ഒരു ബ്ലോഗ് ടൂളില്‍ നിന്നും സങ്കീര്‍ണമായ ന്യൂസ് പോര്‍ട്ടല്‍ സംവിധാനത്തിലേക്കുള്ള വേര്‍ഡ് പ്രസ്സിന്റെ യാത്ര അതിശയിപ്പിക്കുന്നതാണ്.
പ്രത്യേകതകള്‍
ഓപ്പണ്‍ സോഴ്‌സ്: വേര്‍ഡ് പ്രസ്സിന്റെ കോഡുകള്‍ പരസ്യമായി ഷെയര്‍ ചെയ്യപ്പെട്ടത്. സാങ്കേതിക ജ്ഞാനമുള്ളവര്‍ക്ക് ഏത് രീതിയില്‍ വേണമെങ്കിലും അതിനെ മാറ്റി മറിയ്ക്കാന്‍ സാധിക്കും. തീര്‍ച്ചയായും ഇത് ഏറെ സമയം ലാഭിക്കും.
ലളിതം: ഏതൊരാള്‍ക്കും മനസ്സിലാകുന്ന രീതിയിലാണ് വേര്‍ഡ് പ്രസ്സിന്റെ ബാക്ക് എന്‍ഡ്. കണ്ടന്റ് അപ് ലോഡ് ചെയ്യാനും പുതിയ പേജുകളും കാറ്റഗറികളും ഉണ്ടാക്കാനും ഗ്യാലറികള്‍ ഉണ്ടാക്കാനും എളുപ്പത്തില്‍ സാധിക്കും.
വേഗത്തില്‍ ഉണ്ടാക്കാം: വേര്‍ഡ് പ്രസ്സില്‍ ഒരു വെബ്‌സൈറ്റ് ഉണ്ടാക്കാന്‍ ഏതാനും മിനിറ്റുകള്‍ മാത്രം മതി. ഉണ്ടാക്കിയ ഉടന്‍ തന്നെ ആവശ്യമായ ഉള്ളടക്കങ്ങള്‍ അപ് ലോഡ് ചെയ്തു തുടങ്ങാനാകും. ഒട്ടേറെ ടെംപ്ലേറ്റുകളും പ്ലഗിനുകളും റെഡിമെയ്ഡായി ലഭ്യമായതുകൊണ്ട് ജോലി വേഗം തീരും.
എസ്ഇഒ: സെര്‍ച്ച് എന്‍ജിനുകള്‍ക്ക് ഏറെ പ്രിയപ്പെട്ട നിര്‍മിതിയാണ് വേര്‍ഡ്പ്രസ്സിന്റേത്. സെര്‍ച്ച് റാങ്കിങില്‍ അതിവേഗം ഉയര്‍ന്നു വരാന്‍ സഹായിക്കും.
ഓപ്പണ്‍ സോഴ്‌സായതുകൊണ്ട് സെര്‍വറിനും ഡൊമെയ്‌നുമുള്ള ചെലവല്ലാതെ അധികം പണച്ചെലവ് വരില്ല. അത്രയൊന്നും സാങ്കേതികജ്ഞാനമില്ലാത്തൊരാള്‍ക്കു പോലും എളുപ്പത്തില്‍ കൈകാര്യം ചെയ്യാം.
പോരായ്മകള്‍ എന്തൊക്കെയാണ്?
ഓപ്പണ്‍ സോഴ്‌സ്: ഇതിന്റെ കോഡുകള്‍ ലഭ്യമായതിനാല്‍ ഹാക്കര്‍മാര്‍ക്ക് എളുപ്പത്തില്‍ ആക്രമണം നടത്താന്‍ സാധിക്കും. റെഡിമെയ്ഡ് പ്ലഗിനുകളും ടെംപ്ലേറ്റുകളും പലപ്പോഴും ഗുണത്തേക്കാളേറെ ദോഷം ചെയ്യുന്നുണ്ട്. എന്നാല്‍ ഇതിനെ മറികടക്കാന്‍ വേണ്ടി വേര്‍ഡ് പ്രസ് അതിന്റെ വേര്‍ഷനുകളില്‍ ഇടക്കിടെ മാറ്റം വരുത്താറുണ്ട്. ഓരോ പിഴവും അടച്ചാണ് വേര്‍ഡ് പ്രസ് ഇപ്പോള്‍ മുന്നോട്ടു നീങ്ങുന്നത്.
നിര്‍മിതിയിലെ ന്യൂനത: കൊച്ചു വെബ്‌സൈറ്റുകളെ ലക്ഷ്യമാക്കിയാണ് വേര്‍ഡ്പ്രസ് നിര്‍മിച്ചിരിക്കുന്നത്. വന്‍കിട ഇകൊമേഴ്‌സ് സൈറ്റുകള്‍ക്കും കോര്‍പ്പറേറ്റ് വെബ്‌സൈറ്റുകള്‍ക്കും ഇത് യോജിച്ചതല്ല. മുകളില്‍ പറഞ്ഞവയ്ക്ക് യോജിച്ച രീതിയില്‍ വേര്‍ഡ് പ്രസിനെ മാറ്റിയെടുക്കുന്നത് ഏറെ സമയവും പണവും നഷ്ടപ്പെടുത്തും.
എസ്ഇഒ ഇഷ്യു: സെര്‍ച്ച് എന്‍ജിന്‍ ലോകത്ത് ഇന്നു മത്സരം നടന്നു കൊണ്ടിരിക്കുകയാണ്. ഇന്‍സ്റ്റാള്‍ ചെയ്യുന്ന പ്ലഗുകളിലൂടെയാണ് വേര്‍ഡ് പ്രസിലെ എസ്ഇഒ സംവിധാനം വര്‍ക്ക് ചെയ്യുന്നത്. എല്ലാ സൈറ്റുകളിലും ഒരേ സ്വഭാവം കാണിയ്ക്കുമെന്നത് പോരായ്മയാണ്. വേറിട്ടൊരു വെബ്‌സൈറ്റ് രീതിയും സെര്‍ച്ച് എന്‍ജിനിയില്‍ കൂടുതല്‍ ശ്രദ്ധിക്കപ്പെടുകയെന്ന ലക്ഷ്യവും ഇതോടെ നഷ്ടപ്പെടുന്നു.
അപ് ഡേറ്റ്‌സ്: ഇടക്കിടെ വേര്‍ഡ് പ്രസ് വേര്‍ഷനുകള്‍ അപ് ഡേറ്റ് ചെയ്യുന്നത് പ്ലഗിനുകളുടെ പ്രവര്‍ത്തനത്തെ ബാധിക്കും. സപ്പോര്‍ട്ട് ചെയ്യാത്ത പ്ലഗിനുകള്‍ ഗുണത്തേക്കാളേറെ ദോഷം ചെയ്യുമെന്ന് പ്രത്യേകിച്ച് പറയേണ്ടതില്ലല്ലോ.
സാമ്യം: എന്തൊക്കെ മാറ്റം വരുത്തിയാലും വേര്‍ഡ് പ്രസ് സൈറ്റുകള്‍ക്ക് ഒരേ ലുക്കാണെന്ന് പറയാറുണ്ട്. ഒറ്റ നോട്ടത്തില്‍ തന്നെ പലരും പറയും ഇത് വേര്‍ഡ് പ്രസ്സില്‍ ചെയ്തതാണെന്ന്. വേറിട്ടൊരു ലുക്ക് സ്വപ്‌നം കാണുന്നവര്‍ക്ക് ഇതൊരു പരിമിതിയാണ്.
സ്പീഡ്: വേര്‍ഡ് പ്രസിന് പൊതുവായ ഒരു കൂട്ടം കോഡുകളുണ്ട്. ഇവ പേജ് ലോഡിങ് ടൈം കൂട്ടുന്നു. സെര്‍ച്ച് എന്‍ജിന്‍ റാങ്കിങ് മെച്ചപ്പെടുത്താനും കൂടുതല്‍ യൂസര്‍മാരെ കണ്ടെത്താനും സ്പീഡ് ഒരു നിര്‍ണായക ഘടകമാണ്.
ഒരു മോശം വേര്‍ഡ്പ്രസ് സൈറ്റ് ഉണ്ടാക്കുക വളരെ എളുപ്പമാണ്. ഇത്തരം ഒരു സൈറ്റ് ഗുണത്തേക്കാളേറെ ദോഷമാണുണ്ടാക്കുക. വേര്‍ഡ് പ്രസിലുണ്ടാക്കി പല ന്യൂസ് പോര്‍ട്ടലുകളും ട്രാഫിക് കൂടുമ്പോള്‍ ചക്രശ്വാസം വലിക്കുന്നത് ഇതുകൊണ്ടാണ്.
വേര്‍ഡ് പ്രസ് കോഡുകളെ കുറിച്ച് വ്യക്തമായി ധാരണയുള്ള ഒരു ഡിസൈനര്‍ കം പ്രോഗ്രാമര്‍ക്ക് മുകളില്‍ പറഞ്ഞ പ്രശ്‌നങ്ങളെയെല്ലാം അതിജീവിക്കാന്‍ സാധിക്കും. ഒരിക്കലും റെഡിമെയ്ഡ് ടെംപ്ലേറ്റുകളും പ്ലഗിനുകളും ഉപയോഗിക്കരുത്. കഴിയുന്നതും സ്വന്തമായി ഡെവലപ് ചെയ്യാന്‍ ശ്രമിക്കണം.
വേര്‍ഡ് പ്രസ് ഹോസ്റ്റിങ് ഏറെ ശ്രദ്ധവേണ്ട ഒരു മേഖലയാണ്. നിലവില്‍ വേര്‍ഡ് പ്രസ് ഹോസ്റ്റിങ് എന്ന പേരില്‍ ഒട്ടേറെ കള്ള നാണയങ്ങള്‍ സജീവമാണ്. ഈ ഓപ്പണ്‍ സോഴ്‌സിനുവേണ്ടി കറക്ടായി ട്യൂണ്‍ ചെയ്ത സെര്‍വറുകളില്‍ മാത്രം ഹോസ്റ്റ് ചെയ്യുന്നതാണ് ലാഭകരം. ഇത്തരം സെര്‍വറുകള്‍ മാത്രമേ പ്രകടനത്തില്‍ സ്ഥിരത പ്രകടിപ്പിക്കൂ.
Transfer Data Safely and for Free the Vodafone Red Box Way
The service is only available for Mumbaikar at Vodafone RoTo stores in Mumbai. The service is designed to transfer files such as pictures, videos and documents, from one mobile handset to another. Called the Vodafone Red Box Service, it is a first-of-its-kind free of cost telecom service offering in the city.
WordPress is a popular platform that supports a large number of online websites. While the platform comes with a lot of powerful features, it is not entirely free from drawbacks. One of its drawbacks is that it is usually very slow. This weakness of the platform can be detrimental for the websites that run on it. The good news is that this drawback can be fixed. Let us check out a few ways to speed up WordPress.
Select a good host. Try to avoid shared hosts as they are known for incredibly slow speed and frequent down time during high traffic hours.
Begin with a solid framework/theme. Light frameworks often result in fast page loads.
Try image optimization to speed up your WordPress site. You can use one of the free plugins available online that automatically reduces the image size without compromising on quality.
Take care to optimize your homepage. Using excerpts instead of full posts, reducing the number of posts on homepage, removing inactive widgets and plugins, etc. are a few ways to ensure quick load time of your homepage.
Keep a tap on the amount of post revisions stored on your site. One of the features of WordPress is that it stores all of your drafts. Once you publish your post, remove the drafts or use a plugin to control the number of post revisions.
Try these effective ways to speed up your WordPress site and see the results.
